Все колыбельные с текстами Белорусские колыбельные

Доўгі дзень, цёплы дзень адплывае за аблокі
Сіні цень, сонны цень адпаўзае ў кут далёкі.
Зьбеглі зайкі ўсе ў лясы. Змоўклі птушак галасы.
І буслы ў гняздо схавалі свае доўгія насы.

Прысьпеў:
Баю-бай, баю-бай, вачаняты закрывай.
Баю-бай, баю-бай, разам з намі засынай.

Пакрысе на расе патухаюць зоркі-сплюшкі.
Гульні ўсе, казкі ўсе пахаваны пад падушкі.
Сьпяць і мышкі, і стрыжы. Сьпяць машыны ў гаражы.
Ты таксама каля мамы ціха-ціхенька ляжы.

Прысьпеў.

Баю-баю, люлі- люлі.
Гэта песенька матулі.
Закрывайце, дзеткі, вочы,
Добрай ночы, добрай ночы.

Сьпіць над лесам аблачынка,
Засынай, мая дзяўчынка,
Добрай ночы, добрай ночы,
Засынай, мой любы хлопчык.

Дзед Баюн не спачывае -
Калыханку дзеткам бае.
Засынайце, калі ласка,
Вам прысьніцца ўночы казка.

Сьпіць над лесам аблачынка,
Засынай, мая дзяўчынка,
Добрай ночы, добрай ночы,
Засынай, мой любы хлопчык.

Змрок ляжыць навокал,
Як гушчар лясны.
Да сцямнелых вокнаў
Падыходзяць сны.

Спаць усім належыць
На зыходзе дня.
Недзе ў Белавежы
Дрэмле зубраня.

Між ялін кашлатых
У сваім дупле
Спяць ваверчаняты
У цішы i у цяпле.

I крыклівай сойцы,
Што ў гняздзечку спіць,
Аж да ўсходу сонца
Дзетак не будзіць.

За вакном мільгае
Зорак карусель,
Ён табе міргае,
Зорны карабель.

Спяць у лузе краскі, —
Ты чаму не спіш?
Можа, сёння ў казку
Ў сне ты паляціш...

Баю-баю, люлі- люлі.
Гэта песенька матулі.
Закрывайце, дзеткі, вочы,
Добрай ночы, добрай ночы.

Сьпіць над лесам аблачынка,
Засынай, мая дзяўчынка,
Добрай ночы, добрай ночы,
Засынай, мой любы хлопчык.

Дзед Баюн не спачывае -
Калыханку дзеткам бае.
Засынайце, калі ласка,
Вам прысьніцца ўночы казка.

Сьпіць над лесам аблачынка,
Засынай, мая дзяўчынка,
Добрай ночы, добрай ночы,
Засынай, мой любы хлопчык.